恒指連續三日（上周三至上周五）上升，一洗踏入1月後「跌多過升」的烏氣，收市報19683點，升487點或2.54%，更以接近全日高位收市。
不過，總結1月份，恒指仍累跌2,231點，跌幅逾10%，是去年8月股災後表現最差月份，惟相對累計跌22.65%的滬綜指，尚可形容為「執番身彩」。
與投行財資市場朋友通電話，朋友不停「䊹䊹聲」。他說：「呢鋪真係堅唔得，個市成交係咁縮，升幾日有乜用？原本以為1月好啲啦，但結果大家都唔係咁想trade，又無大型新股或配股，真係食西北風！我都打定輸數㗎啦，唔知幾時要起身，咪開始使少啲囉。」
要「使少啲」這樣嚴重？朋友說：「當然有啦，去年11月起，每個星期都收到朋友離職電郵！有啲尚未離職嘅朋友，就被公司叫佢喺屋企返工，停畀底薪，有生意先返公司兼且拆賬，美其名彈性上班，咪即係停薪留職暗示叫佢走囉！喺全球去槓桿嘅情況下，無㗎啦。」
市況嚴峻，難怪本報娛樂版「與金融之花蝸居400呎愛巢，劉鳴煒新女起底，蜜認封盤」一文，總瀏覽次數超過50萬（包括動新聞）。
密西比