拖拉咗半年，由「中國梅鐸」黎瑞剛管理嘅華人文化，上周終於收購美克國際（953）近三成股權，正式入主成為大股東，翌日立即委派新董事入董事會，似乎想趁新一年即刻大展拳腳，而且一搵就搵來大台製作資源部總監樂易玲入去做執行董事，仲要唔收錢㖭。
點解樂小姐可以幫黎瑞剛做義工？話說華人文化早前成立「華人文化控股（CMC Holdings）」，引入騰訊（700）同阿里巴巴等，融資規模過百億人仔。今次就係由CMC Holdings收購美克，而華人文化同時持有大台部份股權，黎瑞剛借人幫手搞美克，咁好似幾合理。
CMC Holdings集中發展影城，仲有投資《星戰》特效製作公司等，入主美克，再搵樂易玲幫手，呢個配搭讓市場有無限嘅想像空間。