英格蘭「玻璃人」前鋒韋碧克終於復操嘞，阿仙奴領隊雲格日前話：「韋碧克由舊年四月到𠵱家都冇比賽過，真係缺陣咗好耐。我哋要慢慢嚟，先畀佢喺U21比賽踢半場睇吓點先。」似乎韋碧克最順利都要二月中先可以正式復出。至於另一名「玻璃人」史杜列治就繼續同傷病搏鬥，利物浦主帥高路普話佢斷斷續續咁訓練，周中對李斯特城場聯賽一定未出得住。