皇家馬德里同馬德里體育會被國際足協判罰禁止轉會，據講兩會都已上訴，原本由今夏開始嘅禁制令會暫緩執行。另外，日前傳出皇馬球衣贊助商adidas會開出一份10年總值超過1.3億歐元（約11億港元）嘅天價新約，後者就話純屬傳聞喎。巴塞亦被傳將簽肥約，同𠵱家球衣胸口贊助商卡塔爾航空續簽四年總值2.4億歐元新約，如果係真就可以紓緩人工支出就爆煲嘅危機。