雖則只是四隻字，但過年時候好多人都喜歡聽，那便是「恭喜發財」。
每逢見到人都喜愛說這句賀年句先行，先再就住不同身份講其他賀年句，男士們便龍精虎猛、女士們便青春常駐、老闆當然生意興隆、打工仔便升職加薪等等，過去十多年老樓不常講新年快樂，由於樂與落廣東話同音，樓市由去年聖誕到新年，真的落得好快。CCL從高峯期跌了8%、嘉湖山莊唔見咗兩成，今次真．跌了。
換個角度講，樓價跌了真的是入市時機。之後就要看跌多少同埋經濟環境，跌一成就不應入市，因為外圍經濟不是太好，仲會跌；再要跌多少？起碼要跌兩成，大眾才覺得合理。不過據早前一份調查指出，本港樓價中數位與港人加薪中位數偏差太大，為14：2，樓價升了14%但人工只升了2%，薪金加幅追不上樓價，何況人仔貶值和股票大跌，身家起碼唔見咗10多20%，樓價跌兩成難抵銷。
因此，樓價要跌到何時？便要看市民對樓市的情緒何時由悲情轉為穩定，全結合於新盤銷情和香港加息步伐而定，新盤劈價賣是不爭的事實，縱使發展商能提供超級按揭也難推動市民對入市的信心，至於那個發展商作先驅，及要低多少，那要看他們要量不要價的決心，而在2010年至2011年內的土儲最有機會減價，因劈價也有利潤，為個市為自己也要劈價賣樓。
劉兆昌
資深地產傳媒人
http://www.HKLau.com