【本報訊】老媽子的年代社會物質匱乏，那時候的過年全盒，主要是糖蓮子、糖冬瓜、瓜子等應節食品，若放上一、兩粒瑞士糖、白兔糖、利是糖已經好豐富，但時移世易，現在的小朋友個個練得一張刁嘴，到底現代潮媽潮女會怎樣佈置家中全盒呢？
何太坦言會選擇日本出品的糖果朱古力，貪其包裝精美，亦會買獨立包裝的餅乾條放全盒，至於一提國產出品就搖搖頭道：「唔會擺大陸出嗰啲，好驚，驚啲朱古力食咗有害，金幣一定唔會買。」
另一位街訪市民林太則表明一定會買金莎及Lindor朱古力，傳統糖果則不會考慮，「主要買瑞士、日本出品嗰啲，糖果同蛋糕仔，金幣朱古力一定唔買，通常年頭放到年尾，擺過期就掉，好浪費」。有人鍾情金莎，有人則專搜羅特別朱古力糖果，要顯得與別不同，黃小姐坦言：「金莎太普通，會買日本Royce出品，外國出品好味啲，新奇啲。」
其實不論時髦或傳統，過年家中放全盒，都是想討個好意頭，堪輿學家區仲德教大家配合猴年流年，擺放「旺到盡」全盒，首先預備一個有九格的全盒，然後將全盒畫分東、南、西、北等不同方位放不同食物，趨吉避凶，擺放全盒如此多學問，真的是信不信由你。
正東：今年喜慶位，宜放紅色及綠色食物，如紅瓜子。
東南：人緣桃花位在東南方，綠、紅色食物會有催旺作用。
正南：乃名譽位，家中若有小孩，可擺放黃、金、白色食物，有利數理科，如金幣朱古力等。
正西：文昌位在正西方，可放黑、藍色食物，具趨旺作用，如黑瓜子、藍色包裝糖果朱古力。
西南：今年財位在西南面，宜放紅色食物，利聚財，如紅瓜子。
正北：正北乃鬥爭位，代表勞而無功，宜放紅色食物將之克制。
西北：乃是非位，放紅、橙、紫色食物可化解，但若放青、綠色則會不利，經常與人吵架。
東北：這是今年的災難位，不可放青、綠色食物，但若擺放黃、啡、金、白色可以化解。
正中間：病符星在中央，千萬不可擺放紅色東西，例如利是或瓜子，宜放黃、啡、黑的食物就沒有問題。