【本報訊】立法會新東補選將於2月尾舉行，其中5名候選人昨應邀出席北區水貨客關注組舉辦的「上水生態導賞團」，觀察水貨客運作情況，報稱獨立的候選人梁思豪多次離地評論水貨客問題，表示水貨客「都要生活、都要揾食」。
梁思豪：可撥地助走水貨
梁思豪在導賞團開始前曾好奇問「走咩水貨？」完結時則說：「佢哋都要生活，都要揾食，如果佢哋有較好嘅工作條件，唔需要運水貨」。梁認為要體諒水貨客，「香港搵唔到食，佢哋可能為生計先鋌而走險」。記者指走水貨或犯法時，梁卻答「呢個牽涉一國兩制，香港合法唔代表內地合法」。梁又指若當選會處理水貨客阻街問題，「係咪要撥塊地畀佢哋進行水貨活動？我見到上水都好大，睇到有荒廢嘅地方」，但他否認支持水貨活動。
現場參加人數僅約20人，惟逾50名警員到場，多次在導賞團到達前向水貨客提示「唔好喺度逗留，唔係走唔到」。主辦活動的梁金成指以往曾舉辦多場導賞團，從未遇過「清洗太平地」。
■記者梁佩珊