鄭丹瑞（阿旦）前晚與大女鄭瑤和細女鄭珉在圓方出席電影《冰天血地8惡人》的特別場，對於好友林珊珊的細女李怡（野人）疑似做小三戀上崔建邦，阿旦聽聞後愕然地說：「係咩？我病到七彩，都唔知，等我問吓佢先，但係呢啲始終係佢哋嘅事，邊到我哋理。」他更即場叫兩個女關心吓契媽珊珊。阿旦還透露今年兩個女已經大學畢業：「好耐未試過4個一齊過年，今年終於可以一齊拜吓年。」
另外，邵仲衡則表示農曆年先與太太返英國探一對仔，接着再去亞洲熱帶地方旅行，行程方面，他笑說：「全程交畀太太搞，佢係職業女性，我只係負責google map去揸車。」
採訪：馬建華
攝影：陳順禎
