【本報訊】本地零售市道不景氣，股市急挫，但大除夕吃團年飯始終是華人不變習俗；市民寧節儉轉為回家「煮飯仔」團年，有飲食界人士指團年飯生意急挫逾兩成，但造就了一些外賣斬料的食肆。有廣東燒臘店及潮州滷味店均預期團年飯外賣生意上升，其中滷味店料可銷售逾千隻滷水鵝，按年急升兩成，料銷售額與「沙士」那年相若。
記者：佘錦洪
經濟不景，一慳再慳，團年飯還是要吃。以正宗潮州獅頭鵝馳名、不少名人光顧的西營盤生記滷味東主李志勝指出，經濟疲弱下，不少家庭捨酒樓而改為斬料回家吃團年飯，「特別係小家庭，斬料買隻獅頭鵝做節，又平又有特色」。
燒臘店需提早開工應市
他指當年沙士後的新年生意最好，曾售出逾千隻鵝；料銷售額與「沙士」那年相若，迄今已有大公司預訂10多隻滷水鵝送禮，不少街坊已提早致電預留，生意額按年增長兩成，「鵝價維持每斤118元，年廿七至年廿九大約賣到1,000多隻。」
他指選用的獅頭鵝以黑麥草飼養，肥瘦適中，滷水香料全部純天然，年廿七起會總動員以輪班制協助製作滷水鵝，「每隻鵝淨係烚都要幾個鐘」，馬拉松式工作維持至少36小時。
連續兩年獲米芝蓮推介的灣仔再興燒臘，第四代傳人周巧如表示，廣東人特別注重年尾齊整團聚，回家吃飯必定要斬料，尤以燒肉及燒雞最受歡迎，「代表家肥屋潤、年年有餘有利」，不少人會買來酬神及拜年。
周巧如稱，每逢經濟差燒臘店都會受惠，「出去食又貴，又得套餐，食完又催你埋單」，市民寧願選擇回家食團年飯，連帶外賣斬料生意滔滔。她預期今年賣出20隻大豬及約200隻雞，又指新年亦絕不加價，燒肉每斤維持128元，雞每隻售140元。為應付客人需要，她及員工每逢年初一收爐前最後兩天都要提早開工，凌晨2時起到店內準備，「老竇教落唔落味精同鬆肉粉，啲肉要入味又要夠腍就要一早整」。
顧客豪使千元買鰻魚乾
銅鑼灣上海老三陽每年新年都會售賣傳統上海年貨，店員陳師傅表示，除團年必備的麻蓉湯圓及八寶飯外，烤麩、筍乾、風雞等均是必買之選，「烤麩即係『靠夫』，筍乾就用嚟炆五花腩代表過肥年」。新年更特別供應寧波鰻魚乾，每條售1,000元，「早兩日有人就買咗一條，蒸完拆骨就咁食，上海人叫『滿香』」。他說亦有不少識食廣東人摸上門買，一單過消費數千元大有人在。
