上集《西遊記之大鬧天宮》以強勁的後期製作為賣點之一，然而，觀眾對特技部份非但不滿意更狠批為「小學雞」級數。鄭保瑞直言因為首集有不足，他這次更要直視所有批評，決心解決問題：「上次係有缺失嘅，好老實上次係第一次，大家都好似摸住石頭過河，所有嘅批評我都有聽晒，我冇避開過或者拒絕，因為呢啲真係觀眾嘅感受，我反而因此同老闆講，我哋要面對呢啲問題。」他解釋今次幾師徒由天宮回到地面，多了實景場面，可以改善為人詬病的特技問題，但鄭保瑞強調不會因為有人批評就停滯不前，他說：「今次專注用喺生物類型，即係戲入面出現嘅打老虎打龍，同到最後白骨精真身嗰隻怪獸上面。」總體而言，他認為無論劇情或是人物特技，今次都有進步，而且依然會用上大量電腦特技及IMAX方式播放。