香港電影金像獎昨日公佈入圍名單，電影《踏血尋梅》繼早前已贏得評論學會最佳電影、最佳男及女演員三項大獎後，昨日再獲金像獎十三項提名，成為最多提名一部電影，緊接的是徐克的電影《智取威虎山》獲十一項提名。第三則是甄子丹主演的《葉問3》共獲八項，而張家輝自導自演的《陀地驅魔人》及杜琪𥧌執導的《華麗上班族》各獲六項提名。
另外，近日備受關注的電影《十年》，最後只有最佳電影一項提名，《十年》監製Andrew昨接受電話訪問時並未表示失望，他說：「有得被提名點會失望？其實真係冇諗過攞獎，被提名已經係honour（榮譽）。」問到《十年》入圍最佳電影，但在剪接、編劇及導演等卻未有提名，Andrew說：「我自己覺得《十年》由短片合成，如果提名最佳剪接，可能要提名五個，對佢哋提名都有啲困難。就算最佳導演都係，我哋冇咁諗，我諗入圍最佳電影，佢哋都係睇我哋一個整體，同埋成個電影引起咁多嘅討論，其實你問我，無論製作費同水平，亦都唔係去到真係嗰個嘅level。由Day 1開始覺得有一間戲院上已經好開心，行到呢一步，係一個奇蹟。」
