【深圳直擊】黃伊汶（Emme）昨日在深圳開品牌概念店，老公陳國坤（小龍）與她的一班老友鄭希怡（Yumiko）、何嘉莉及傅嘉莉等人撐場。陀有7個月多BB的Emme身穿露背貼身裙、再穿上斗零踭高踭鞋，由老公扶實現身，更正式宣佈今胎陀B仔。
Yumiko對親家
記者更指Emme應避忌裝修，她笑言老公投訴她忙搞生意：「佢叫我顧吓個仔，冇叫我避忌，要跟進度唔跟唔安樂，舖頭多天拿水，可能BB聞到好high，我自己有戴口罩，幸好佢都冇乜投訴，預產期係3月尾、4月頭，會擇日開刀。」
Emme指自己喜歡仔，而小龍喜歡女，問她會不會再生，她表示：「睇吓自己適唔適應呢種生活，如果好enjoy做媽咪，就一切隨緣。」Emme亦有讚小龍做了不少家務減輕她的工作量，而小龍笑言：「會將成副身家做獎勵，梗係要佢再生，自己想追個女。」記者問到Yumiko會否考慮做契媽或對親家，她表示：「要睇吓靚唔靚仔。」Yumiko透露囡囡梁浸浸已痊癒不用覆診吃藥，更有不少廣告商打她主意。
此外，陳嘉容被指有80萬飯局價，她否認：「笑料一則，一年都唔止傳一次，如果有80萬食餐飯開心，叫埋其他模特兒去，咁多錢拎去做善事，咁多年都冇，亦冇聽過其他模特兒，大家都知我形象正面，係專業模特兒，行得正企得正。」
採訪、攝影：曾小嘉
