天王黎明一向為人風趣，近排多咗上facebook，之前被高登瓊姐出po指佢套新劇《消失的愛人》嘅海報，似種菌實驗海報，又被寸設計似廿年前樣板，不過黎天王唔止樂意接受批評，更留言畀對方：「多謝你咁留意我!」天王級都咁玩得，認真係難得！
黎天王昨日又有新搞作，佢喺facebook貼出一條片，片中見佢揸左軚七人私家車，佢仲一邊揸車一邊rap：「Yeah…Yeah…好嘢，橫店揸响棍波車，食完晏，晏啲開工，鍾意就鍾意，唔鍾意就鍾意，唔好講埋啲咩LIKE!」即引起車上乘客大笑，指佢係「還掂hip hop」，黎天王都忍唔住笑自己：「簡直娘爆!」
其實大家都知黎天王一直好有幽默感，雖然rap得有啲娘味，不過都有少少cute嘅，唔知網民有冇……「我有少少鍾意咗佢」呢!?