一件mink，最少要謀殺60隻水貂。葉劉早兩日着件水貂皮草現身（圖），仲話皮草來自養殖嘅farmed animals，同食牛肉差唔多，一番話辣㷫好多人！有近20個環保同動物保育團體，噚日發起聯合聲明，強烈譴責葉劉嘅做法同言論，要求佢糾正，同埋要向所有受害動物道歉。
聲明話，製作皮草須將動物監生剝皮，人類為美觀令動物咁痛苦，好應該受到良心譴責，批評葉劉作為公眾人物，唔單止冇以身作則，仲滿口銅臭，係香港人之恥。而葉劉回應時相當勞氣，指聲明非常荒謬，話加拿大養咗幾百萬隻mink做皮草，「又唔見佢哋去加拿大領事館抗議？」認為聲明混淆視聽，「佢哋應該同香港時裝界同皮草道歉呀！」