【本報訊】揀水仙先要揀一個靚的水仙頭，強哥表示，水仙頭側邊太多細頭不算靚，要揀好似「山」字的，中間主頭要大、圓渾，切勿揀扁身，因為扁身可能較少花。他續稱，大水仙頭應在年初一倒數約22日前𠝹開浸水，小水仙頭則倒數約20日𠝹開浸水。
強哥示範𠝹開水仙頭之前，先用刀刮走底部泥土，摸到主頭中間凹下位置，前後𠝹開，稍稍擘開，水浸過水仙頭兩日，其間主頭開口位置會流潺，要用花灑沖走潺，之後開的花就會雪白。兩日後將水仙頭移落花盆，加水至根部，三至四日換水，水仙需要充足陽光。
一個呈山字的靚水仙頭，主頭內至少有5支花，兩旁5個細頭，即是整個水仙有10支花，每支約7至8朵花，即至少有70至80朵花。