【飲食籽】煉奶馬蹄糕　吃出八十年好滋味

【飲食籽：一家之煮】
相約「陸羽茶室」的禢志明大廚做訪問時，我是非常膽戰心驚的，畢竟茶室的桂花馬蹄糕和欖仁馬蹄糕做法，的的確確是商業機密，誰知禢師傅二話不說便答應，讓我大大鬆了一口氣。

步入茶室三樓的獨立廚房，禢師傅介紹入行二十多年的點心部大廚梁浩倫（倫哥）給我認識。得知要示範做馬蹄糕，倫哥快手快腳拿出材料，眼見材料簡單，不過是馬蹄粉、砂糖等等，惟獨最特別是製作欖仁馬蹄糕時會加入煉奶，「呢個馬蹄糕食譜已經做咗八十幾年，轉過幾個老闆都堅持加入煉奶，貪佢陣鮮奶香，而欖仁就香口，出面冇人咁做。」倫哥拿着大鐵羹，熟練地用水溝開馬蹄粉，溝好馬蹄粉後，他重新分成兩盤，一盤加入煉奶加欖仁，一盤加入桂花糖，就成為茶室極受歡迎的兩款馬蹄糕。

梁浩倫

任職陸羽茶室點心師傅超過二十年，堅持沿用茶室八十多年做糕秘方。

日日晚十二朝十一製作四千底糕

等呀等，終於出爐了！蒸好的欖仁馬蹄糕不像桂花馬蹄糕般透明清澈，反而帶住一層奶白色。前者甜而不膩，後者清香撲鼻，入口如啫喱般鬆軟，確實齒頰留香，叫人欲罷不能。仔細交談，才從倫哥口中驚知，原來新年期間全個茶室的糕點都出自他雙手，他苦笑：「新年加加埋埋要做成四千底糕，老闆要送畀朋友，熟客又order，日日都要夜晚十二點開工，做到第二朝十點十一點，咁辛苦，邊個肯做？」雖說做點心師傅辛苦，但倫哥卻沒想過轉行，依舊每朝摸黑做最早上班的第一人。

蒸桂花馬蹄糕、欖仁馬蹄糕秘技

1. 用煉奶更香滑
2. 手打才彈牙
3. 沾生粉煎
馬蹄糕分蒸煎兩食，因馬蹄糕十分軟身，
若希望煎來吃的話，不妨加一層生粉再煎。
由於沒有加入防腐劑，想保存期長一點，倫哥建議先將糕品放上冰格冷藏，及食用前才放回下格。