去年11月憑《踏血尋梅》贏得金馬獎最佳男配角的白只，昨再度入圍香港電影金像獎最佳男配角及最佳新演員，奪獎機會呼聲極高，他昨日透過短訊回應說：「《踏血尋梅》仲有十三個提名，呢樣比自己有提名更開心，因為套戲係好多人嘅心血……香港係自己屋企，唔好話攞獎，有得提名已經好開心，金像獎係由細睇到大，冇諗過自己會有份參與。」有力挑戰白只的是憑《全力扣殺》入圍的林敏驄，至於女配角則以憑《踏》片提名的金燕玲及剛宣佈懷有雙胞胎的李心潔，可以看高一線。
繼金馬獎再次入圍金像獎新人獎的蘇麗珊，昨接受訪問時自言已打定輸數，她說：「好開心呀！因為《哪一天我們飛》仲入咗原創劇本同原創音樂嘅獎，至於再同白只佢哋入新演員，我覺得冇得鬥，佢同春夏真係太犀利喇！所以入到圍我都已經好開心，覺得自己好似掹車邊咁，唔小心入咗咁。」
採訪：李森