電影《西遊記之孫悟空三打白骨精》除了孫悟空幾師徒外，另一焦點自然落在飾演白骨精的鞏俐身上，實情是在電影準備開拍時，導演鄭保瑞說還未有合適人選：「其實一開始時真係唔知搵邊個，諗咗好耐，到有一日老闆話試唔試吓鞏俐，我話佢如果肯嘅，我就明白點解孫悟空要打佢三次，佢完全有呢個份量，唔係普通嘅反派咁簡單。」
鞏俐首次接觸如此多動作場面，但她的表現依然叫城城讚不絕口：「鞏俐加入令整個電影更加實淨，美貌同演技兼備，角色內鞏俐畀咗好多個人意見入去，3個唔同妝扮都需要化好長嘅時間，佢好戲就唔使講啦，但連動作都自己做，吊威吔3、4層樓都都自己嚟。」除了動作場面外，一雙靈魂之窗最叫城城難忘：「我都好期待成個電影內，鞏俐會呈現一個點嘅白骨精畀大家，唔係一個普通嘅白骨精，直情係妖后，相信冇乜人能夠相比。」