仲有一星期左右就係農曆新年，好多商場已經搞咗好多大型賀年裝飾，好似時代廣場前日就喺二樓中庭，完成咗一個超大型嘅巨龍裝置賀年（圖）。呢條巨龍認真唔嘢小，全長45米，仲要係吊於半空，最特別係全以人手製作，龍頭係現今最大嘅香港傳統大金龍。不過八方睇落條龍又唔係好似中國傳統金龍形態，原來呢條龍王形態，係參考咗日本動畫《龍珠》嘅神龍去設計，唔怪得熟口熟面。《龍珠》入面嘅神龍可以達成任何人心願，嗱，𠵱家唔使好似孫悟空咁，要集齊七粒龍珠先可以見到神龍，大家去時代廣場，就可以搵神龍許願！