要數新民黨主席葉劉淑儀近期嘅身邊紅人，唔少得喺法律界有「桂綸鎂」之稱嘅Eunice容海恩，早前葉劉喺新東出席盆菜宴，都帶住Eunice滿場飛（圖），原來Eunice噚日正式加入新民黨！
喺加拿大UBC主修電腦系、返港後再讀法律，2008年成執業大律師嘅Eunice話，自己都係讀電腦出身，最希望喺科技上助年輕人創業，同時想政府喺科研方面搞好啲，所以決定入黨，冀有多啲資源同平台進行研究，向政府提出多啲建議。雖然政圈盛傳葉劉想幫佢喺年底立法會新東直選起機，但Eunice自嘲初哥，暫時唔會諗係咪參選！
葉劉亦喺fb公佈呢個喜訊，自爆同Eunice喺一個義工活動認識，發覺佢爽直兼多才多藝，識得吹小號又參加樂團演奏，歌藝仲幾得。