教育局局長吳克儉早前缺席立法會教育事務委員會就TSA舉行嘅公聽會，強調以「私人理由」請假，當然被鬧爆喺關鍵時唔見人；及後有傳佢原來係去咗日本睇紅葉，當然繼續被鬧唔識分輕重！
直至近日，事件又有新發展。有傳媒話吳克儉缺席公聽會之日，正係佢嘅正日生日。八方查一查，公聽會當日係11月29日，順手到政府網站，睇睇吳克儉係咪呢日壽辰？但發現當中冇公佈佢嘅出生日期，咁八方就問吓教育局，究竟局長係咪11月29日嘅壽星公呢。發言人回覆話：「教育局局長的簡歷在上任時已經公佈，沒有其他補充。」重點係：冇否認囉！今年11.29，吳得掂諗掂去邊慶祝未？