巴塞隆拿喺周三西盃八強次回合主場以3:1反勝畢爾包，兩回合贏5:2晉級。巴塞首回合贏2:1，今場有蘇亞雷斯（右）停賽期滿復出，「MSN」一齊打正選。雖然畢爾包先入波，但巴塞換邊後由阿蘇、碧基同尼馬各入一球，幫巴塞兩回合都贏波，打入四強。阿蘇今季各項賽事已經入到30球，係今季歐洲第一個入30球兼入波最多嘅前鋒。另外，馬德里體育會同日輸波，被切爾達踢出局，加埋皇家馬德里早前因用咗停賽球員被取消資格；兩大對手都出晒局，睇嚟巴塞好大機會捧盃。