中國國足炒咗教練佩連之後，物色接任人選好似好慎重咁，仲搞埋選帥報名，喺月初公佈選帥條件後，月尾截止報名。國內傳媒就講到大把名帥有興趣，連薛高、柏蘭迪利、馬沙利同喺上年帶領智利贏美洲國家盃嘅森保奧利都有報名喎。國足用洋帥成功例子唔多，好似甘馬曹同最近嘅佩連，對中國足球冇乜認識就走嚟教，結果係點大家都有眼見；國足下場世盃外好快喺三月就上演，足協方面既要慎重嚴選，仲要快啲做到決定。