吳若希昨日在商台宣傳新碟《眼淚的秘密》，她表示新碟有很多劇集歌，希望下張碟可以有更多自己的作品：「不過都要得公司安排，咁有得唱劇集歌都好，起碼大家會聽到、會鍾意。我自己寫嗰首《捨得分手》，老闆都話會plug，係第五plug，有得plug好過冇得plug。」她透露將會與林奕匡合作新歌，又希望與黃偉文及舒文等合作。
問會否籌備演唱會？吳若希說：「紅館我會淆底，細細哋就好。嘩，伊館都3,000人，唔使咁多，百零二百個就得，我驚賣唔晒啲飛，其實我個人好冇自信。」她還笑指可能粉絲太隱藏，所以不覺得自己有很多fans：「一定少fans過鍾嘉欣啦。」
採訪、攝影：盧妹