去party越多人越開心，但去柏林夜場Teledisko就不同講法。它可能是全球最細夜場，本身是有三十年歷史、已經荒廢的電話亭，有組織將它們改裝成蚊型club，同四個朋友去已經可以包場。
Teledisko門口無保安，無人檢查身份證，只要入硬幣就會開門，當然都無DJ，牆上設有觸控屏幕可自選歌曲，club內另有煙霧及閃燈特效，還可拍攝即影即有相片留念，整體設計好有誠意。現有兩個Teledisko放置在柏林街頭，另一個四處擺放，可供私人派對租用。據講試過最多入到九個人，但電話亭空間太細，入得晒都未必郁動到吧。
記者：臧諾