中聯辦主任張曉明日前公開挺特首梁振英，再次令一些政界人士相信，北京是決心不理民意支持梁連任，更有泛民中人相信，北京是「沒有最強硬，只有更強硬」，但問題是強硬政策是否有效？該政界人士直言，恐怕未必嚇倒不滿中央及梁的港人，特別是年輕人。他指近日不少專業界年輕人均積極為參選特首選委探路。
該政界中人稱，以往泛民要找人選特首選委十分困難，特別是年輕專業人士，很多人也無甚興趣，「一係就話專心搵錢冇興趣，一係就質疑，既然泛民反對小圈子選特首，咁選選委嚟做乜？」不過近日他發現情況有變，不少專業界年輕人，已開始為參選特首選委探路，「以前係泛民四圍搵都未必砌夠一條隊，今次就係班後生仔自己開始傾參選啲嘢。」他估計今次特首選委選舉，隨時有大批年輕人出戰不同專業界別，「泛民班老人家未必要再出去選。」
北京強硬挺梁惹反彈
這班年輕人磨拳擦掌，目的只有一個，就是要表達反對梁連任的意願，「其實大家都明白，1,200人選委中大半都係由北京操控，只要北京欽點梁振英做（特首），係冇乜可能推倒佢，但係點都要畀北京知，就係有一班不同界別選委，代表民意反對梁振英連任。」
另一名泛民中人更預期，北京越是強硬挺梁，民間反彈會更大、對北京更加不信任，「到時就算北京夾硬支持咗梁振英連任，只會挑動後生仔更激進抗爭、更加反對梁做特首，如果係咁，香港就更加永無寧日。」並寄語北京三思而後行。
季陶
周一、三、五刊出