【本報訊】中年男商人涉約兩私影女生拍照時非禮，後來找警察友人幫忙游說事主收錢銷案，案件昨續審。控方播放一段錄影片段，原來男商人跟警員交「揞口費」前曾在商人座駕上傾談，警員教他向事主「扮死狗」道歉，又謂警方不會為「一單咁嘅濕×非禮案搞大龍鳳」埋伏他們，整段對話被車上攝錄機錄下。二人當日交錢後即被警員拘捕，錄影片段更成為呈堂證供。
記者：勞東來
控方案情指，首被告商人藍藝（47歲）涉於前年8月6日非禮私影女生Y，Y在facebook群組公開遭遇後，藍要求Y刪除fb留言但遭拒，Y並稱要報警。藍於是找任職警員的友人、次被告劉文軒（37歲）出面游說Y銷案。劉致電Y指藍願付1萬元，Y不肯，劉加價至2萬元仍遭拒絕，劉遂要求Y「開個價」，Y提出3萬元。
Y早前作供稱她按警方指示，約藍和友人於8月26日到旺角一咖啡店收錢，藍的友人要藍向她道歉，並叫她收錢和簽署和解協議書。二人離開時遭警方拘捕。
「差人唔會咁戇×做大龍鳳」
昨日庭上播放藍座駕上的攝錄機片段，錄下了藍和劉的對話。交錢前夕，劉向藍提及倘被捕如何應對警方查問，指「人哋會問點解拎3萬蚊出嚟」，劉教藍可說有男子致電他索3萬元，然後說「𡃁妹話報咗警，咁我仔細老婆嫩，唔知點算就打畀劉Sir……覺得佢好正直，信得過，一時間淨係諗起佢」。劉續稱：「其他嘢推畀我，等我出嚟解釋，你話唔知情況，就係咁簡單。」
劉指會聯絡處理非禮案的夥計，告訴他們會用錢解決事情，又大派定心丸指交錢時不會有警察埋伏：「一單咁嘅濕×非禮，我哋叫做濕×case，差人都唔會咁戇×同你做場大龍鳳，又要走嚟伏你又要盛，你唔出現點算？」劉指處理妨礙司法公正案件「好×大鑊」，警員不會自找麻煩。
翌日二人開車前往交錢地點時，劉指示藍向Y道歉，「去到呢你就扮死狗，話件事令到你（Y）唔開心，對唔住呀，以後唔會再搵你」。
劉又說：「我都有考慮過幫唔幫，但你第一時間搵我，咁×信我。」藍指假如最終事件鬧上法庭，「我自己冇乜所謂，係有老婆，幾十年畀佢搞一搞散晒」。
控方昨原打算傳召案中另一女事主X作供，惟X除於本周二短暫到庭外，控方一直未能聯絡她。X的丈夫向警方指X哮喘發作，需求醫和休息，且情緒有問題，不願作供。控方申請拘捕令要求X到庭解釋，獲裁判官批准。聆訊今續。
案件編號：KCCC603/15
