見過廣州番禺飄雪未？見過，真係見過。
極度反常氣候，有微言大義嗎？天文預測都會錯漏，不如信風水，風水佬呃你十年，又有乜壞？環球時報撈過界做埋影評，風水佬一開口，當做幫「十年」宣傳就好。
珠三角降雪，特區風水好定唔好？
梁凸說，土地問題，司法覆核被濫用，所以年青人上唔到樓，露宿者入唔到屋，老人家跌親無人理。好了，金融風暴挾住霸王級寒潮高空擾流，港紙和人民幣雙雙淪為大鱷點心。財金局什麼也不做，等中央繼2008年後再次「北水南輸打救」（官媒是這麼說的，有無見過睜大眼講大話？見過，真係見過）然後，樓股被質，由梁咩芬話事的黃埔，呎價賤過沙士時N倍。僅輸梁大媽三百票那位小楨子，終於託梁凸為求連任搏到盡的福，執到筍盤做了黃埔業主。專恰後生仔那條屎片友，在寒潮三日後消失（晶字只有三日貨仔）！梁凸連任在望，露宿者以自己方式離開深水埗，長者執紙皮時梁凸前來慰問，年青人一畢業就投入建築設計行業大把工開……飽歷風霜的大帽山，大風大寒，未來三年，會以更跣的小冰丸，幫狼政權贈興。