喺2008年北京奧運爆大冷贏咗男子10米台金牌嘅澳洲同性戀跳水選手米治咸（右），周四決定退役，唔會參加今個夏天嘅里約熱內盧奧運。現年27歲嘅米治咸話：「我覺得自己嘅跳水生涯冇嘢係未完成。我經已攞到希望達到嘅成就，包括2008年奧運金牌、2010年世界第一同埋2014年英聯邦運動會金牌。」米治咸亦係首個公開承認同志身份嘅奧運金牌選手，退役後佢話希望向傳媒同埋娛樂界方面發展，祝佢成功啦！