新一季F1喺三月先開鑼，不過衞冕嘅「黑帝」咸姆頓，似乎已經開始努力備戰新賽季喇！雖然呢位31歲嘅平治車手，喺休季期間不斷去旅行同出席商業活動，不過佢周三就喺社交網站上載咗兩張相，話自己已經去到多倫多參加拳擊訓練，似乎係想透過打拳去練吓體能，為下季做準備。見到黑帝練到成身汗，就知道佢有幾認真啦；而且淨係睇相，黑帝嘅姿勢都拎滿分，唔知真係落場打嗰陣，佢係咪都一樣咁勁呢？