香港到底會否繼續燒錢起高鐵，已經進入關鍵直路階段，首先要過股東會一關。港鐵（066）行政總裁梁國權噚日出席外國記者協會搞嘅午餐會後話，對股東會通過感到有信心，話港鐵股價最近跑贏恒指，反映小股東嘅信心。咁又難怪嘅，政府為咗不超支完成高鐵，要求港鐵不惜舉債，都要豪派每股4.4元特別股息，換取小股東支持方案。
查實明眼人都知，政府係港鐵大股東，派特別股息畀政府，同啲錢左手交右手冇乜分別，但小股東有着數，過關唔難。但到下月底仲要過立法會一關，港鐵高層包括港鐵主席馬時亨最近都四出公開呼籲遊說，梁國權噚日亦重申，今次同政府傾「冇plan B」，要求議員盡快通過撥款，總之佢都係借機會賣藥喇，佢同馬時亨呢個月都背熟對白，去到邊都係講呢套。