會展中廚部原來有位美魔男生招牌！會展噚日同傳媒舉行新年聚會，向來賓介紹製作精緻菜式嘅「功臣」，包括飲食總監文志成以及行政總廚（中廚部）譚國聲（圖）。
文志成有唔少人識得，皆因就係佢，以自己個名倒轉嚟讀為概念、為蘭桂坊之父AllanZeman起中文名「盛智文」。
至於聲哥，咪睇佢青靚白淨，佢自爆已48歲咯！會展董事總經理梅李玉霞Monica大爆聲哥呢位美魔男，喺海外交流培訓時好受當地女士歡迎。
至於猴年嘅會展，繼續旺爆。Monica話今年約有7個展覽首度舉行，包括月底搞嘅Golden Age Expo and Summit，以及8月中嘅極限運動博覽。