靚女傘兵區議員楊雪盈早前因為搵唔到議員辦事處，被迫用「代客泊車」方式，天寒地凍擺街站服務街坊。雪盈BB噚日喺fb上載一幅坐喺文件架上嘅靚相（圖），宣佈終於搵到地方成立議辦，位置係銅鑼灣高威樓9樓，與中央圖書館為鄰，總算告別過去飄泊又粗重嘅流浪生活。
雪盈BB話，目前仍要一啲時間收拾同改裝辦公室，相信2月中就能夠正式開張，佢最感激係一直幫手搵舖嘅街坊朋友。佢話最希望其實係喺所屬大坑選區有個樓下地舖，但現時租金勁高，仍未係佢能負擔水平，惟有租用現時僅能負擔嘅議辦。
雪盈BB仲話，好認同另一傘兵徐子見所講，認為政府應該保證每個區議員都有辦事處工作，覺得政府有必要檢討現時制度喎。