【拆局】
律政司決定不起訴前廉政專員湯顯明涉貪，有立法會議員認為，雖然律政司司長袁國強多番強調，不起訴只因證據不足，與事件涉京官及中聯辦無關，但事件已被廣泛報道，民意早認定湯涉貪，「市民觀感上已認定唔告湯顯明有偏袒之嫌」。
該議員直言，就算政府如何解釋湯「有違規、冇違法」，「但市民早已從傳媒睇晒立法會對佢（湯顯明）聆訊過程，一早已認定佢有問題，𠵱家公眾只會覺得政府用法律技術理由放生湯顯明」，特別湯案涉款待京官，湯又是全國政協，「就算政府話唔起訴冇政治考慮，以今時今日政府公信力咁低，根本冇市民會信」。
難信公正處理梁特涉貪
另一泛民引述商界人士短訊，指湯向京官送禮、款待「喺內地發生嘅話，（湯）早已被雙規」，若今次涉事只是一般公務員，或已被起訴，「當年有港台DJ用申領自由撰稿人服務費嘅表格，申領報紙錢同茶點費，仲要港台一直係咁做，政府都起訴，今次湯顯明又分單申領費用、又用公帑款待京官反而冇事？市民點服！」他認為日後公眾更難相信廉署及律政司會公正處理親北京人士及梁振英涉貪投訴。
■記者莫劍弦