百福臨門，竹報平安！中環ifc喺今個農曆年，用幾百枝翠竹佈置中庭，除將「百福圖」刻喺竹枝上面，更有60盞神態各異嘅靈猴造型燈！
港大中文學院副教授陳遠止噚日喺竹林趣談福字典故，佢話福字喺古代甲骨文中係指祭祀天神，祈求上天恩賜庇佑，時至今日則因筆劃結構演變而有唔同詮釋。福字右旁嘅「一」代表功名利祿，「口」則指人口，意味成家，「田」指房子，笑稱造字巧妙地切合港人嘅「四仔主義」：屋仔、老婆仔、車仔、BB仔！
西洋書法家Kalo亦即席用傳統中國書法及西式點墨手法，演繹兩款傳統及當代「福」字，放置現場畀訪客欣賞。竹林即日起至2月18日開放。