【經營慘況】
去年全年本港整體出口貨值錄得1.8%跌幅，為2008年金融海嘯以來最差表現。有於內地設廠及經營的港商表示，去年即使是傳統旺季，銷售及定單表現仍然不太理想、跌幅顯著，預計今年依然是「難捱」的一年。
經營錶行的工業總會名譽會長劉展灝表示，去年傳統消費旺季聖誕節都帶動到消費氣氛改善，本地銷售表現「非常曳」。他又指美國出口情況稍為回穩，但不足抵銷三個主要出口巿場、即日本、歐洲及中國需求下降及經濟放緩影響。他續指，客戶一般在9至11月落12月定單，但去年接單數字不太理想，「啲客見個市況唔係咁好，都乘機㩒價壓價，可以話係雙重打擊。」
「對大反彈無乜大期望」
劉展灝透露，1月客戶下定單時較審慎，時間亦比以往推遲，「今年keep到上年咁都已經算好喇，對於大反彈無乜大期望！」經營製衣廠的香港工業總會副主席林宣武表示，每張訂單價格下降，歐洲央行雖暗示放水，「啲錢都落唔到個市場，買家無錢買貨，對我哋嚟講係兩頭唔到岸」，指「今年銷售升少少都已經好開心啦！」