亞視今年4月1日就停牌，部份藝人員工未出12月薪金，如下周一仍未出糧，就會視作自動遣散員工，到時亞視要付代通知金及其他解僱賠償。亞視執笠在即，近日仍向下周約滿的張家瑩（Grace）力邀續約半年。
Grace昨在電話中回應：「公司叫我續半年，條件唔變，但始終4月政府收番免費牌照，時間上有啲敏感。」Grace自07年當選亞姐冠軍，至今已8年，她表示不捨得娘家：「我唔捨得同事，想一齊留守到最後。希望公司同我續住兩個月約先，4月情況明朗先再算。」Grace又表示已收到12月糧。
此外，去年離開了亞視的朱慧珊，昨與李司棋在淺水灣錄影有線節目，珊姐講到亞視欠薪時說：「唔係好想再理，糾纏得太耐，希望佢哋老闆有新動向，我前排都放唔低，諗起都好𤷪𤺧𠵱家先放低。」司棋姐呼籲亞視盡快出糧。
採訪、攝影：陳杰、黃曉妍