朗尼第三個仔Kit Joseph Rooney喺禮拜日出世，朗尼當時已經喺社交網站公佈呢個消息，之後仲放相上網，畀球迷睇吓Kit仔嘅真面目。喺禮拜一下晝，朗尼再更新，話Kit仔同老婆高蓮已經一齊返咗屋企，母子平安。朗尼家陣有三個仔，除咗Kit，仲有六歲嘅Kai同兩歲嘅Klay，三個都係K字頭，有啲網民就懷疑朗尼係種族主義者，暗撐3K黨喎！但我求大俠覺得啲網民都係講吓笑箒。亦有網民話，朗尼真係好鍾意足球，竟然幫個仔改名做「球衣」，因為Kit可解為波衫。生咗三胎都係仔，唔知朗尼會唔會學碧咸咁，點都想追個女呢？