利物浦喺上星期六嘅英超早場，憑拉爾拉拿入絕殺球，戲劇性地以5:4擊敗諾域治一役，向來激情嘅德國籍領隊高路普興奮到喺同球員慶祝時俾前鋒賓迪基整爛咗副眼鏡；不過，高路普喺日前嘅英聯盃四強次回合對史篤城嘅賽前記者會已經火速配過第二副眼鏡（左圖），雖然同爛咗嗰副（右圖）差唔多，但就係黑框嘅，而高路普仲好風趣咁話：「戴咗呢副眼鏡，我覺得自己有啲似連環殺手。」另外，高路普又話唔會叫賓迪基賠番副眼鏡畀佢㖭，認真大方。