有12間球會角逐嘅南部米納斯里約盃（The Copa Sul-Minas-Rio）周三開波，但巴西足總諗過度過之後，認為賽事同周末開波嘅巴西洲聯賽重叠，於是落禁賽令，唔畀甘美奧、國際體育會（圖）、法林明高同埋帕拉尼恩斯等六間巴甲球會參賽。不過佢哋一於少理，話會喺周三如期比賽，所以到截稿前，我求大俠未收到馬會通知會取消呢幾場比賽。查實巴西足總本身都同意搞呢個盃，仲計劃喺2017年將佢列為正式賽事，但批完之後又覺得有問題，真係屎忽鬼。