西環噚日喺會展舉辦新春酒會，雖然天氣只有10℃，但唔少城中大孖沙都唔怕凍，畀面出席，包括一早到場的新世界主席鄭家純、長和主席李嘉誠同仔仔李澤鉅、九倉前主席吳光正、新地前主席郭炳湘等。
而捲入官非嘅前特首曾蔭權亦有到場，被發現白髮多咗唔少，唔知係咪因官司困擾影響？梁振英亦偕一身鮮橙色衣裝嘅梁太到場。
超人離開時被問到點睇李波事件，就話自己「約咗人」趕時間，笑而不答就離開。
而「主人家」張曉明演講時，不忘表演廣東話娛賓，佢叫大家要對「耽誤香港發展」的現象大聲說「不」時，竟然將個普通話「不」字，讀成廣東話「唔得嘅」，引來台下唔少笑聲。
