USB Type-C是未來！今年嚟緊推出的Android手機，預計為對應更高數據傳輸速度，以及為對應QC 3.0的高規格叉電模式，USB Type-C會逐步普及。你的手機已經買了「未來」？可以對應USB Type-C？不過這是今年底的事！現在這一刻的現實，是暫時配件對應上仍相當頭赤，舊的叉電器不合用，舊的OTG手指亦插唔入新手機。
不過幸好，USB Type-C救星剛出現了，這是由Baseus推出的MICRO TO TYPE-C，功能亦如其名，它是一個USB Type-C的轉頭，將佢插落手機叉電位，你就可以向下兼容返microUSB了，所以人有時行得太快，到最後都係要行返轉頭的！基本使用OTG設計，所以可以完全對應叉電及過資料；$28貴嗎？須知一般USB Type-C的叉電器及記憶手指，最平都要貴上逾$100，曾身受其苦者就知佢有幾好用，我更試過想問人借尿袋及叉電器，由於身邊朋友全部用microUSB制式，所以最後都係「不得其門而入」，看着手機一直無電落去，又救佢唔到，你就知道呢件轉頭有幾好用。
查詢：屏昇（深水埗黃金商場地面42至44號舖 ）
記者、攝影：朱崇德