【澳門直擊】吳啟華、宣萱、蘇永康、李逸朗及呂晶晶等昨現身澳門，出席鄧特希製作的劇集《隱世者們》記者會，缺席的陶大宇拍了短片自爆跟宣萱有床上戲，宣萱笑說：「有少少壓力，不過同佢好熟，自己都有信心，我哋合作駕輕就熟。」但尺度可能大過無綫劇，宣萱說：「係呀，兼且拍床上戲事先未必有通知，都係飛紙仔，冇乜對白，但同大宇合作冇問題，唔怕對方博懵。」
吳啟華亦表示未見過劇本：「都係飛紙仔，但有足夠溝通，有劇本背對白太熟反而唔自然，入行咁耐，今次真正同大宇合作好開心。」同場的呂晶晶着6吋半高踭鞋，被蘇永康取笑似傷賤人士，她說：「自己好多打戲，但冇替身，吊威吔少少驚，搏晒命。」
採訪：張俊銘
攝影：陳順禎