近年不少發展商都主打蚊型冇房上車盤，二百幾呎賣你三百幾萬，唔少心急人照衝，覺得自住都唔怕嘅。紅磡劏房之城環海‧東岸首輪開售後狂爆撻定，《一路向西》作家向西村上春樹就出咗篇潮文，模擬返如果咁啱上年9月摸頂買咗環海‧東岸，十年後到底會點，篇文真係句句到肉，道出唔少巴打心聲，短短一個鐘已經成功呃咗幾千個likes。
篇文是咁的，話說有個勇者唔理三七二十一，舊年9月買咗間200呎的環海‧東岸樓花，雖然呎價17,000元，三百幾萬用盡九成半按揭，都叫做勉強了咗上車心願。點知打後兩年樓市步入熊市，市區半新樓已經得返$10,000呎，雖然日日被人笑層樓每呎跌咗五六千蚊，佢都堅信只係技術性調整，總有一天會升到30,000蚊呎。
終於等到2018年收樓自住，女朋友入到屋發現只有200呎四幅牆，笑都笑唔出，其後更因為土地問題，唔小心「搞出人命」。十年後（2025年）個仔六歲，有一日放學返黎喊住話同學間公屋又大又靚，點解佢咁窮要住環海‧東岸...佢本來想掟咗個仔落街，但一諗到個單位變凶宅又即跌兩三成，佢停咗手，喊住同個仔講，「你錯在唔係窮，而係唔夠窮！」唉，睇到呢度個心都酸一酸丫！
原文請看：【環海‧東岸業主的十年】向西村上春樹Facebook Page https://www.facebook.com/xx......28595581426/?type=3&theater