吳綺莉母女喜歡畫油畫，更先後在10年及14年開畫展，展出自家製作品。吳綺莉昨日在電話中透露，5月將會出一本畫冊，收益將會撥捐給慈善機構，她說：「其實畫畫靚過我嘅人大把，所以好多謝今次嘅主辦機構，可以畀機會我出畫冊，我𠵱家畫咗10幾幅，仲要畫多20幅先夠數，距離5月得番3個月時間多啲，嚟緊我要停晒所有工作，閉關專心畫畫。」
吳綺莉透露今次畫冊，是以中國儒家思想的「弟子規」故事為主題，她說：「𠵱家有好多小朋友唔知乜嘢叫弟子規，可能太難明，所以今次就用呢本畫冊嚟表達，希望小朋友容易明白。」吳綺莉指現今世代的小朋友由於物質過於豐盛，很易遺忘孝、敬、仁、義、道、德的做人道理，因此才與主辦機構構思這個題材。
採訪：王梓嫚