黃耀明經常公開批評專制及建制，有傳內地官方要打壓他，他之前申請紅館檔期開演唱會，一直不獲批准，他只好改而4月1及2日假麥花臣場館開騷。昨日問他是否申請不到紅館檔期？他說：「因為呢個場係最容易搵到期嘅地方，一來冇諗過要做咁大場地，同埋呢個演出唔屬於紅館，有舞台劇元素。」
明哥又指4月1日是亞洲電視牌照完結一日，他說：「我覺得呢日最好不過，呢個騷叫《美麗的呼聲》，副題係一場事先張揚的命案，要有少少識香港歷史嘅人，先知乜叫麗的呼聲。呢個騷有好多音樂元素嚟自麗的同亞視，包括主題曲同插曲，我一直念念不忘做麗的同亞視。不過我好少睇電視，唔係電視迷。」
採訪：皓騫