【八方相當年】
元朗十八鄉鄉委會主席梁福元向來係鄉議局大戰將，咪睇佢平日好威武，佢嘅幼子、元朗區議員梁明堅爆料話，原來老竇在家係慈父！
35歲嘅梁明堅Jason話家中通常媽咪惡過老竇，「如果好曳，會被阿媽打到飛起」；但若然激到老竇真發火，認真非同小可，「試過一次真係一張凳咁車埋嚟㗎！」佢話三兄妹細個時，周末老竇都會帶佢哋四圍遊。佢最記得有次去咗個貧困山區，老竇乘勢叫三兄妺勤力讀書，脫貧要靠自己努力。
Jason透露，老竇極具個人特色嘅鬆糕頭，keep咗長達40年，Jason引述今年59歲嘅老竇講過，70年代因情迷貓王而梳呢個髮型，「我出世至今，老竇嘅髮型都係咁」。