藝術嘅嘢，八方真係識條鐵咩，亦唔知民政事務局局長劉江華，喺藝術呢方面又有幾高水平，只知佢會喺星期四上午，帶領本港藝團中人啟程訪京，同國家文化部官員及國家藝術基金負責人會晤。
八方八過嘞，呢次訪京陣容鼎盛，九大藝團包括香港管弦樂團、香港中樂團、香港小交響樂團、香港話劇團、中英劇團、進念•二十面體、香港舞蹈團、香港芭蕾舞團以及城市當代舞蹈團，其中名媛何超鳳同張天愛都以香港芭蕾舞團代表隨行；西九文化區管理局亦有代表北上，劉江華認真有「飛士」。
代表團訪京期間亦會參觀國家大劇院、北京天橋藝術中心，以及觀賞香港話劇團喺北京天橋藝術中心嘅演出，劉江華會喺周六晚返港。