【本報訊】香港在剛過去的周日迎來59年最嚴寒一夜，亦凍得衙前圍村碩果僅存的士多老闆李先生信心動搖，無奈放棄抗爭，只因不忍關注圍村重建項目的抗爭者要冒着寒冬露天紮營，「如果有今（昨）日咁好天，我走咗去唔睬佢啦！」
「一蚊零食」不復見
李先生在前日的低溫下午簽署文件答應搬走，「我做人有個原則，盡量都唔想影響其他人。天氣凍成咁好易冷親，咁多人為咗我一個紮營，我真係唔想，會過意唔去」。
70多歲的李先生開舖40年，他指當年月結賒數是等閒，不似今天貨銀兩訖即時清；當年來幫襯買零食的孩子大都已長大成人，更曾有人帶着妻兒重臨舊地特意光顧，說時會心微笑。
縱然李先生中氣十足，但他不打算將來復業經營，因市建局條件實太苛刻，高昂租金無法負擔，「一蚊零食」恐怕再回不來。年紀大是職場上的一大弱點，他預料也沒人聘請，「點生活？見步行步囉，要唔要攞綜援都未知」。
有指李先生獲加倍賠償離場，李起初說「梗係冇啦，你覺得市建局肯唔肯吖」，後來又指不能透露確實金額，只說「原本特惠金17萬幾，加係有加，你咪諗吓囉」。
■記者馬志剛