前日香港市區錄得59年來最凍嘅攝氏3.1℃，教育局晚上宣佈全港幼稚園、小學及特殊學校停課，不少網民馬上發功問點解大人要返工，結果香港寬頻（1310）前晚就向員工發出通知，話喺唔影響工作下，香港同廣州嘅員工可以自行決定home office或者下午2點先返公司工作，噚日一早要起身返工嘅打工仔，係咪好羨慕呢？
至於一班以「街霸」為首嘅外勤員工又點呢？香港寬頻發言人就話，「街霸」一般嘅工作時間都係下午1點開始，所以無設home office安排，但其實每區小隊嘅隊長有權視乎天氣決定當天的工作安排或微調工作地點，仲有，一班香港寬頻嘅高層噚日四出向外勤員工派送熱飲及暖包。